La om til SPF og har ikkje angra ein dag
Einar Haugen i Etne driv ei alvsbesetning med SPF purker og omsetter smågris. Han la om til SPF-gris i desember 2020. Han peikar på at drifta var god også før, men at skilnaden etter omlegginga er tydeleg.
– Me har mykje mindre problem med sjukdom. Grisane er friskare, trivselen er betre og kvardagen er enklare.
Store grep
I 2020 bygde Haugen på grisehuset med rundt 500 kvadratmeter og oppgraderte resten av bygningane.
– Når ein først har brukt så mykje pengar på bygg, er det ein stor kostnad å investere millionar i nye dyr også. Samstundes var det, og er det verdt det.
Motivasjonen for å legge om handla både om drift og framtid.
– Eg kjende at det blei for dumt å ikkje ta steget når me først bygde om. Me fekk noko støtte frå Innovasjon Noreg, og når alt stod tomt ei stund, var det lettare å gjere det skikkeleg.
Klare gevinstar i drifta
Etter snart fem år med SPF gris ser Haugen klare gevinstar.
– Smågrisen veks raskare. Me leverer om lag ei veke tidlegare enn før, og det sparer oss for ein del fôr. Det gir betre økonomi og meir trygg drift.
– Eg har ikkje angra ein einaste dag. SPF har gjort garden betre rusta for framtida, og eg vil absolutt anbefale andre å vurdere det same valet. Det er berre å hoppe i det.
Fatland ser same utvikling
Produsentrådgivar i Fatland Jæren, Olav Tjelta, seier erfaringane frå bønder som har lagt om til SPF er tydelege.
– Utfordringa er ofte å få tru på at det er lønnsamt. Investeringa er stor, og det er naturleg med skepsis. Samstundes viser erfaring at mange tener det inn raskare enn dei trur. For fleire snakkar vi om rundt tre år.
Fatland støttar SPF fullt ut
Dagleg leiar i Fatland Jæren, Rolf Gunnar Husveg, seier Fatland ønskjer at flest mogleg legg om til SPF.
– SPF er eit viktig løft for næringa. Det gir betre drift, betre dyrehelse og betre dyrevelferd. Samstundes styrkar det omdømmet til norsk svineproduksjon.
Husveg peikar også på at SPF gir gevinstar utover den enkelte gard.
– Mindre sjukdom gir mindre bruk av antibiotika, betre fôrutnytting og lågare klimaavtrykk. SPF er ei investering for framtida, både for bonden og for samfunnet.
Dette er SPF:
SPF står for spesifikk patogenfri.
Det er den høgaste helsestatusen ei svinebesetning kan ha i Noreg.
SPF gris kjem frå besetningar som er frie for bestemte smittestoff, mellom anna APP.
Det gir friskare dyr, betre dyrevelferd og meir stabil drift.
Fatland har den høgaste andelen SPF besetningar i Noreg.
Rådgivere
Siv Undem
Siv er rådgiver for storfe, med ansvar for livdyr og avl. Hun gir praktiske råd om drift, fôring, slakt, tilvekst og dyrevelferd, og hjelper deg å finne løsninger som gir god drift og god dyrevelferd. Siv har også et stort fokus på bondevelferd.
Solveig Horve Bergsholm
Solveig er rådgiver på småfe og veileder deg gjennom hele sesongen, fra lemming til lavdrektighet. Hun er tilgjengelig dersom du ønsker gårdsbesøk eller har spørsmål om drift og dyrevelferd.
Roxana Michaela Schomann
Veterinær og rådgiver for svin i Fatland. Hun har nesten sju års erfaring som praktiserende veterinær i Rogaland, med bred svinekompetanse. Roxana er opptatt av dyrevelferd og god drift, og jobber tett med bonden for å finne løsninger som ivaretar både dyr og mennesker.
Torger Frøyland
Torger er rådgiver på storfe med fordypet kunnskap om økonomien i drifta. Han veileder deg i planlegging, kostnader, produksjonsresultater og andre forhold som påvirker lønnsomheten på gården.
Andreas Helgevold
Andreas jobber med innmelding av dyr og tar imot henvendelser når du melder inn til slakt. Han svarer gjerne på spørsmål og sørger for god flyt mellom bonde og slakteri.
Hold meg oppdatert
Få oppdateringer om priser, frister og nyttig fagstoff direkte fra Fatland. Vi sender deg det som er relevant for bonden, enkelt og oversiktlig.
Sånn, da får du oppdateringer fra oss rett i innboksen.
Ønsker du å registrere en til? Trykk på ‘registrer en til’ og velg de emnene som passer best for vedkommende. Vil du endre hvilke nyheter du mottar? Du kan oppdatere innstillingene via lenken i e-postene fra oss.
